LEGAZPI CITY – Dakol na mga awards an naresibe kan Legazpi City Local Government Unit kan nakalihis na taon 2023 huli ta naging progresibo an saindang mga programa.
Segun kay City Mayor Geraldine Rosal, piglalaoman niyang liwat sindang makakaresibe ki mga awards ngunyan na taon 2024.
An mga awards na nakua ninda hale sa manlain-lain na ahensya de gobyerno siring kan SGLG awards kan DILG, Gawad Kalasag awards kan OCD; Most Outstanding PESO Manager kan DTI asin an pagbisto man hale sa Department of Health (DOH).
Kumpyansa an alkalde na an gabos na ini, makukua ninda liwat ngunyan na taon nin huli sa pagtatarabangan kan department heads.
