Ginpahayag ni Mayor Eugene Reyes it Buenavista Guimaras nga indi sanda kumpurme sa ginpatuman nga sistema it provincial government nga indi pagbatunon sa mga job hires kung bukon sanda it fully vaccinated.
Base sa ana, indi nanda raya pagasundon bangud maabo ro maapektuhan nga mga trabahador. Sa rekord, may 5% pa eamang ka mga empleyado ro fully vaccinated.
Pero sa gihapon, padayon ro pagpangampanya it alkalde sa mga residente nga magpabakuna kuntra sa COVID-19 virus.
Matatandaan nga indi man kumpurme ro DOLE sa “no vaccine, no work” policy it mga LGU.
Base man kay DOLE 6 Assistant Regional Director Jesus Elpidio Atal Jr., sambilog raya ka klase it diskriminasyon ag dapat respetuhon it mga employer o LGU ro desisyon it andang mga empleyado./JIL B. LACSON
