LEGAZPI CITY – Dakol na improvement an isasagibo kan lokal na gobyerno kan Daraga sa Cagsawa Ruins Park sa Brgy. Busay.
Ini an sinabi ni Mayor Awin Baldo, kun sain obheto kaining mas mapagayon pa an naunambitang tourist destination nganing makapag-enganyar nin mas dakol na turista bako sana sa ibang bansa kundi pati man sa manlain-laing parte kan Pilipinas.
Segun saiya, nagkapira digdi an pagkakaigwa nin museum, pagkondusir nin film showing asin iba.
Katakod kaini, plano kan Department of Tourism (DOT) Bicol na magdukot nin highlights na istorya kan Cagsawa sa mismong lanob kan kampanaryo kaini nganing madaling maipaaram sa mga turista an history kaini.
Segun kay Regional Director Herbie Aguas, saro sa mayor na katuyuhan kaini an makapag-enganyar nin mga turista orog na pag-pigpipicture-an asin ipo-post sa social media.
Apwera digdi, malaag man nin audio QR code na pagpig-scan, igwa ki mamamating tingog na iyo an mismong maistorya kan mga importanteng pangyayari sa Cagsawa.
Mientrastanto, kasuudma, pormal nang pinunan an pagbukas kan selebrasyon kan Cagsawa Festival.
