LEGAZPI CITY – Isasagawa ngayong araw ang Arangkada Banwa Mobile Lab and Clinic (ABMLC) sa tatlong Barangay sa bayan ng Daraga.
Papangunahan ng Local Government Unit (LGU) Daraga at Municipal Health Office (MHO) ang aktbidad sa Barangay Bigao, San Rafael, at San Vicente Grande.
Layunin nito na makapagbigay ng libreng serbisyong medikal at dental sa mga mahihirap na residente.
Ayon sa lokal na pamahalaan, nais ng alkalde ng Daraga na mailapit sa Daragueño ang healthcare services lalo na sa mga walang kapasidad na magpacheck-up at laboratory tests dahil sa problemang pinansyal at kahirapan rin na bumyahe patungo sa malapit sa ospital.
Dagdag pa nito, maraming barangay na rin ang natulungan na residente o mamamayan sa nasabing programa.
