Pinaniniwalaang galing sa inuman ang isang LGBTQIA+ community member matapos magtamo ng sugat sa katawan.
Maaalalang noong Biyernes, Agosto 09 bandang alas 05:00 ng umaga sa D. Jakosalem Street Barangay Parian, Cebu City, nakita ng iilang residente na naglalakad si Alyas Wilmar sa nasabing lugar, bigla itong napa-upo sa gilid ng kalsada at ng sinuri ng mga tao, puno pala ito ng dugo.
Sugat sa kanang dibdib, braso at siko ang tinamo ni Alyas Wilmar
Tinanong ito kung ano ang nangyari ngunit hindi ito sumagot at nagpumilit na hindi dalhin sa ospital bagkus ay nagpahatid na lamang ito sa kanyang boarding house.
Sa ngayon, patuloy ang imbestigasyon ng kapulisan hinggil sa insidente.
