KORONADAL CITY- MULING inimbitahan ng Sangguniang Panlalawigan ang South Cotabato Electric Cooperative o SOCOTECO 1 para sa isang legislative inquiry.
Ayon kay Vice Governor Arthur Pingoy Jr na layon nito na malaman kung bakit mataas ang singil sa kuryente ng SOCOTECO 1 at mapasagot sa mga ito ang iba pang mga isyu kaugnay kuryente at operasyon ng kooperatiba.
Inihayag ni Pingoy na ang SOCOTECO 1 ang may pinakamataas na singil sa kuryente sa buong region 12 na umabot sa P 15 per kilowatt hour.
Ang legislative inquiry ng SP ay isasagawa sa Miyerkules, Marso 29, alas- 9 ng umaga.
