BNFM BICOL—Muling nagpaalala ang lokal na pamahalaan ng Legazpi City sa mga residente ng lungsod na panatilihin ang pagsunod sa mga umiiral na COVID-19 health protocols sakabila ng pagluwag ng mga ipinatutupad na restrictions.
Ayon sa City LGU, bagaman ilang araw nang hindi nakakapagtala ng panibagong kaso ng sakit ang lungsod simula nitong April 14, mahalaga anilang hindi pa rin maging kampante ang publiko hinggil dito.
Ang nararanasan umanong ‘downtrend’ ng COVID-19 cases sa lugar ay dahil na rin sa pagsusumikap ng LGU na palawakin at palakasin ang vaccination programs sa lungsod, upang mabigyan ng proteksyon ang mas malaking bahagi ng populasyon nito.
Matatandaang nitong Semana Samanta, tila balik na sa normal ang naging sitwasyon ng lungsod makaraang maidaos ang mga nakaugaliang aktibidad gaya ng Lenten Procession na dinagsa at dinaluhan ng maraming tao.###
