NISUBRA sa ilang target ang taga Local Civil Registrar sa ilang ginalista nga mga tawo nga walay Birth Certificate sa Philippine Statistics Authority kon PSA.
Sa kumpermasyon ni LCR Department Head Nenita Ellivera inay nga usa ka libo lang ka mga tawo ang ilang target nisubra man hinuon ug nakuratan usab kini sa kadaghan diay sa mga tawo sa Barangay Labangal nga walay mga Birth Certificate.
Gidugang ni Ellivera nga ang uban adunay sayop sa ilang Birth Certificate ug kinahanglan nga matabangan sa pag proseso, ang pag lista nahitabo sugod Hunyo 20 hangtud 23 sa kasamtangan nga tuig.
Samtang aduna usab nakatakda nga paghatag sa Birth Certificates nga nahuman na sa pagproseso sa Hulyo 4 sa Barangay Apopong.
Kahibaluan nga gihatagan og pagtagad sa LCR ang mga tawo nga indigents nga walay Birth Certificate mao nga wala nakapahimo og ID sa National ID System sa gobyerno. I Ver Diazon
