NAGTAGBO sa unang higayon ang Brigada Eagles Team ug ang Barangay ug SK San Isidro Basketball Team Hunyo 21, 2023 sa gabii ,alayon kini sa ika-58 nga Araw ng San Isidro.
Gipangunahan ni Brigada Ernie Gabonada ang Brigada Eagles samtang gipangunahan usab ni Kapitan Jefrox Yumang ang San Isidro Basketball Team.
Sumala kay Kapitan Yumang nga ilaha gayud gipangandaman ang mao nga dula.
Nagsugod sa warm up ang duha ka team, sul-ob sa Brigada Eagles ang pula nga uniporme, ang mga magdudula naggikan sa managlahi nga departamento sa kompanya.
Sa unang lukso sa bola nga ginatawag og jump ball nakuha sa team Brigada ang bola alang sa layup apan good contest alang sa team San Isidro gumikan wala nasulod ang bola sa ring.
Samtang sayo nga nagpaulan og puntos ang Team San Isidro ug nahuman ang unang quarter sa upat ka quarter sa dula nga ang score 8 puntos alang sa Eagles ug 17 puntos sa team San Isidro.
Sa ikaduha nga quarter naningkamot ang team Eagles nga maapsan ang score sa San Isidro apan naningkamot usab ang kaatbang nga dili maapsan.
Wala usab nagpaulahi si kapitan Yumang, nakatampo usab kini sa kadaugan sa iyang team pinaagi sa pabnada nga layup ug maayo kaayo ang dinaganan niini sa court.
Nahuman ang dula sa score nga 58-78 pabor sa San Isidro.
Aminado usab si Coach Ernie Gabonada nga kulang pa sa practice ang iyang team ug gi anunsyo niini nga puhon aduna nay kaugalingon nga court ang Brigada Eagles aron maandam sa mga friendship games. I Ver Diazon
