NAGA CITY- Gumuho ang parte ng lupa sa national highway sa Sitio Mang-it, Cabanbanan, Balatan, Camarines Sur nitong Sabado.
Ang small scale landslide ay ikinaaalarma ng Municipal Risk Reduction and Management Office dahil sa kanilang pagsusuri may mga serye na ng crack. Ito ang napag-alaman ng Brigada News FM Naga kay MDRRM Officer Xanthien Beñegas.
Sinabi namang sa kasalukuyan naglalagay ng slope protection ang Department of Public Works and Highways (DPWH) subalit hindi pa nararating ang bahagi kung saan nagkaroon ng landslide.
Susulat na ang MDRRM sa ahensya dahil posible pa ang mas malaking pagguho ng lupa na may kasamang mga bato, delikado sa mga motorista.
