NAGA CITY – Kinumpirma ng Naga City Police Office na may mga record ng pagnanakaw ang lalaking nakuryente-patay sa Naga City kahapon nang umaga.
Ito ang napag-alaman kay PSMS Tobias Bongon, Information Officer ng NCPO ng makapanayam ito ng BNFM Naga.
Ayon kay Bongon, sangkot sa ilang serye ng nakawan sa lungsod ang namatay na si Erickson Aberos y Mayao, 29-anyos ng Metroville Sabang, Naga City.
Sa imbestigasyon ng mga otoridad, pagnanakaw ng wire ang pakay nito sa likod ng isang gusali sa Barangay Dinaga, kung saan natagpuan itong wala ng buhay matapos na makuryente ng putolin nito ang isang live wire.
Ang pamilya ng nasawi ay tumanggi nang ipasailalim sa autopsy ang bangkay ni Erickson.
