Blangko pa gihapon ang kapulisan sa motibo sa pagpatay sa usa ka lalaki nga taga-Tacurong City nga nakaplagang patay sa sagbotang bahin sa Barangay Asbang, Matanao, Davao del Sur alas-5:00 sa hapon sa milabay’ng Hunyo 3, 2024.
Giila mismo sa igsoon nga si Karen Pama Lumogdang nga iyang igsoon ang biktima nga nailang si Edmar Pama Lumogdang, 41 anyos minyo, electrician ug residente sa Purok 4, Brgy. Poblacion, Tacurong, Sultan Kudarat.
Saysay pa ni Karen nga daling midangop sa kapulisan sa Matanao human nakita sa social media ang balita nga niadtong Sabado pa wala na maka uli ang iyahang igsoon sa ilang panimalay.
Samtang, gidala na sa ilahang pinuy-anan ang patay’ng lawas sa biktima.
Padayon pa sab ang gihimong imbestigasyon sa kapulisan sa nahitabong krimen.
