Naaagnas na bangkay na nang matagpuan ang isang lalaki sa baybayin ng Barangay Malapad, Real, Quezon nitong Sabado, Abril 13.
Ayon sa police report, wala umanong damit ang 33-anyos na lalaking biktima at mayroon din itong sugat sa likuran nang madiskubre ito bandang alas-2:47 ng hapon.
Napag-alaman na huling nakita ang biktima pasado alas-9:00 ng gabi noong Abril 11, 2024.
Sa ngayon, patuloy na iniimbestigahan ng mga awtoridad ang insidente. Isasailalim rin sa autopsy ang biktima upang matukoy ang sanhi ng pagkamatay nito.