GIKOSTUDIYA na sa kapulisan ang usa ka lalaki ug minor de edad human nakigginukdanay sa PNP ug naimbargohan ug pusil ug gidiling droga.
Giila ang mga dinakpan nga silang Oscar Ali lug nagpailang minor de edad nga si alyas Ken, taga Olarte, Barangay Labangal, GenSan.
Matud ni Police Lt.Col Ernor Melgarejo, labaw sa Criminal Investigation and Detection Group (CIDG) SarGen punting sa ilang operasyon si Alil.
Isilbi unta sa mga sakop sa CIDG ang warrant of arrest kang Alil sa kasong dunay kalabutan sa iligal nga droga.
Apan inay nga isumite ni Alil ang kaugalingon sa kapulisan, sila kauban ang minor de edad sa motor ang nakigginukdanay sa mga pulis.
Dihang nakorner nila si Alil alas-1:30 sa kadlawon sa Phase 2, Purok Maunlad, Barangay Apopong, GenSan.
Naimbargo nilang .45 kalibre sa pusil, putos sa gituohang shabu ug marijuana samtang pagkapkap sa minor de edad nakuha usab ang .45 kalibre sa pusil.
Gawas sa standing warrant batok kang Alil, dugang kaso ang ipasaka sa kapulisan batok kaniya ug sa minor de edad.
===================
PABILING expired ang deputation order sa Highway Patrol Group (HPG) sa Soccsksargen human kini wala na-renew gikan Desyembre 2023.
Kini ang giklaro ni Melharrieh Tomawis, regional director sa Land Transportation Office (LTO) 12.
Matud ni Tomawis, siya isip regional director sa LTO sa rehiyon dili na authorized sa paghatag og deputization order sa HPG.
Bugtong ang assistant secretary sa Department of Transportation (DOTr) asa ilawom ang LTO ang authorize nga maghatag og deputization order.
Dungan sa kawad-an og deputization order sa HPG personnel sila ang walay legal authority nga mag-impound og sakyanan o mokumpiska og driver’s license sa mga badlongong motorista.
Sa karon gawas sa special law, nagpabiling function sa HPG ang pagpahapsay sa trapiko ug moggukod sa mga karnaper.
Una nang, gibutyag ni Tomawis nga una na silang nakadawat og mga reklamo gikan sa mga motorista kalabut sa HPG personnel.
