PATAY nang napalgan ang 60-anyos nga caretaker sa Phase 2, Barangay Maunlad, Barangay Apopong, GenSan alas-10 sa buntag, Sabado.
Giila ang napalgang patay nga si Salvador Sungcaya Jr., caretaker sa yuta ug nagpuyo sa Phase sa nasangpit nga Purok.
Matud ni Police Capt. Cyrus Vince Arro, deputy station commander sa Makar Police Station nakaangkon og samad dinunggaban duol sa dughan si Sungcaya Jr.
Apan intact ang salapi niini sa iyang bag nga naa sa P6,000 ug ubang personal nga butang.
Nasuta sa kapulisan sa pagpangutana sa mga residente sa lugar, nakadungog sila nga dunay naggukod kang Sungcaya Jr.
Apan wala na nakita kung kinsa ang mga indibidwal nga naggukod kang Sungcaya Jr.
Si Sungcaya Jr., ang ikaduha katao nga napalgang patay sa GenSan atong Sabado.
