Patay ang isang lalaking nagmamaneho noon ng motorsiklo matapos masagi ng isang van sa kahabaan ng Maharlika Highway, Barangay Camohaguin, Gumaca, Quezon nitong Miyerkules, Pebrero 15.
Ayon sa report, binabagtas noon ng motorsiklo na minamaneho Jayson Bequillos, 44-anyos, ang direksyon nh southbound nang mag-overtake at masakop umano ng van na minamaneho ni Francisco Santelices Jr., 55-anyos, ang naturang lane.
Sinubukan umanong lumiko sa kaliwa ni Santelices para maiwasan ang salpukan subalit nahagip parin nito ang motorsiklo ng biktima.
Dahil sa aksidente, dead on the spot si Bequillos matapos magtamo ng mga linsala sa iba’t-ibang bahagi ng katawan habang sugatan naman ang angkas nito na kinilalang si Onofre Pasco Jr., 36-anyos.
Samantala, kasalukuyan pang nagpapatuloy ang isinasagawang imbestigasyon ng awtoridad hinggil sa aksidente.
