Patay ang sangka 45-anyos nga lalaki nga si Leonard Minguez Agustin matapos maigo kang kilat ginaburubanta las-7:00 sa aga, Hunyo 4, 30-miles sa baybayon kang Brgy.Lapaz Hamtic,.
Suno sa impormasyon, patay ron kang nakita kang pareho nga manugpangisda ang biktima kag wasak naman ang baruto kadya rason nga nasudlan kang tubig.
Gilayon nga nag-rescue ang katapo kang Philippine Coast Guard kag ginhingagaw pa kun daan nga i-revive ang biktima apang wara ron dya matabangan.
Tuman naman ang kasubo kang mga himata ilabi ron kang anang nabilin nga asawa kang apat ka mga bataan kang biktima bangud mabuot, matandos kag wara kang bisyo ang nasambitan nga lalaki.
