BALHOG sa selda sa Pendatun police station ang usa ka lalaki human kini gisilbihan og warrant of arrest kalabutan sa kasong pagsupak sa Republic Act 10175 o Cybercrime Prevention Act of 2012 tungod sa pagpakatag og bastos nga mga hulagway.
Sa impormasyon sa presento ang dinakpan naila kang alyas Rod, 32-anyos, usa ka electrician, ug residente sa Parang, Maguindanao.
Nasikop kini sa iyahang pinuy-anan sa Maguindanao kaniadtong Pebrero 17 ug kagabie, marso 7 hingpit siyang gi-turn-over sa Maguindanao police sa Pendatun police station sa GenSan asa migula ang iyahang warrant of arrest. Sumala pa sa suspek, una na siyang gipasakaan og kaso nga VAWC sa iyahang asawa apan nakapyansa kini ug ikaduha na nga kaso ang giatubang niini karon. I Enamie Mogpon
