Arestado ang isa ka lalaki matapos nga ginserbihan sang warrant of arrest sang mga kapulisan sa Barangay Lawaan, Roxas City.
Ginkilala ang naaresto kay alyas “Ben”, 31-anyos kag residente sang Barangay Milibili sining syudad.
Kaso nga Attempted Homicide ang ginapangatubang sang akusado.
Ang warrant of arrest ang gin-isyu kag ginpirmahan ni Hon. Judge Alma Banias-Delfin, sang MTCC, 6th Judicial Region, Branch 2, Roxas City, napetsahan Nobyembre 15, 2010.
Ginrekomendar naman sang korte ang P12,000 nga piyansa para sa temporaryo sini nga kahilwayan.
Sa karon, yara na sa kustodiya sang Roxas City Police Station ang nasambit nga arestado. | Judy Ann Juare
