GIKUSTODIYA sa San Isidro PNP ang usa ka baynte anyos human sumala pa nisulod sa usa ka balay unya nanguha og mga cellphone Hunyo 3, 2023.
Subay sa report sa presento kwatro, Hunyo 3 sa gabei nakadawat sila og impormasyon gikan sa usa ka tagbalay sa Purok Paparon, Barangay City Hieghts nga adunay nisulod sa ilang compound.
Sa pagrespondi sa kapulisan naabtan nila ang usa ka lalaki nga nagpangalang Radz Ebrahim, 20- anyos, ulitawo nga nagpuyo gihapon sa lugar, gitudlo kini nga nisulod nga wala managhid unya nasakpan, nakuha sumala pa sa batan-on ang tulo ka mga mahalon nga cellphone.
Sa dihang gikapkapan sa pulis ayha ibutang sa selda,may nakuha nga usa ka putos sa gidudahang shabu.
Gumikan niini gikustodiya ang batan-on samtang giandam ang tukmang kaso batok kaniya. I Ver Diazon
