NAKAMUGNA og kaguliyang ang pagsulod sa usa ka lalaking armado sa kalye sa Jonhny-Ang Paradise sakop sa Barangay City Heights, Gensan.
Usa ka 17-anyos nga batang lalaki ang naghangos nga nisumbong sa iyang amahan nga sumala pa gibabagan sa suspek ang iyang agianan padulong sa ilang balay ug maayo nalang kay nakapangita siya og pamaagi nga makauli, nahitabo kini Oktubre 17 pasado alas sais sa gabii sa kasamtangan nga tuig.
Ang gitudlong armado mao si Rolando Pidi, 26-anyos nga taga Purok Saludin, Barangay Labangal ug may igsoon nga nagpuyo sa PI-16, nadala kini sa San Isidro Police Station ug sa report sa presento kwatro nakuhaan kini og sundang ug sumpak nga may tulo ka bala sa pusil,apan nagdumili kini sa pag atubang sa camera.
Samtang buntag na sa dihang nasayod ang chairman sa purok nga si Alas Campus nga adunay armado nga nakasulod sa ilang kalye ug gikulata sa mga tawo.
Na alarma usab ang purok chairman ug gisubay subay ang panghitabo kuyog sa taga Brigada Gensan.
Gumikan sa trauma nga gibati sa batan-ong lalaki, pursigido ang iyang amahan nga mopasaka ug kaso sa suspek.
Kasong sa iligal nga paghupot ug hinagiban armas ug bala ang posibling atubangon ni Pidi. I Ver Diazon
