LEGAZPI CITY – Sa karsel an bagsak kan sarong lalaki makalihis ining madakop sa akto nin panghahabon sa sarong pampublikong eskwelahan sa Brgy. Salvacion, Daraga, Albay.
Binisto an suspetsado si alyas “Lito”, residente kan Pilar, Sorsogon.
Segun sa mga nakahiling, mantang sinda naglilibot, naaktuhan ninda ining bitbit an hinabonan na sarong unit ki electric fan.
Kan ini sitahon, nagbalo pa suboot ining magdulag alagad tulos man na nadakop.
Segun sa PNP, pwersahang rinaot kan suspetsado an padlock kan sarong klasrum nganing makalaog asin kuhaon an electric fan na nagkakantidad nin PHP2,000.
Tulos man ining dinara sa Daraga MPS para sa magkakanigong disposisyon.
