LAING mga kabataan ang nahatagan ug mga gamit sa eskwelahan sa Balik Eskwela Balik Biyaya Activity sa Brigada Gensan sa Putok Tinago, Barangay South, General Santos City.
Nakahilak ang usa ka Lola nga si Leny Abac human nadawat sa iyang apo nga si Jian ang School Supplies, sumala sa lola nga wala pa siya nakapalit ug kagamitan sa iyang apo gumikan tulo ka bulan palang sukad na stroke ang iyang bana.
Sakto sumala pa sa higayon nga nanghatag ang Brigada,gisuroy daw sila sa ilang Purok Chairman ug usa sila sa nalista.
Samtang nagapanghinaut ang usa ka inahan nga walo ang anak nga panalanginan pa sa Ginoo ang nagahatag ug ayuda kanila gumikan sa ilang dakung panginahanglan,sumala kay Meraflor Ramos wala pa usab sila nakapalit ug gamit sa iyang anak nga mo eskwela ug Grade 5 gumikan nagahulat pa sa sweldo sa bana.
Kahibaluan nga ang paghatag School Supplies kabahin sa adbokasiya sa Brigada nga mao ang paghatag suporta sa kabataan nga End Stunting Now, gikan sa sabakan hangtud na sa pagtubo sa mga bata. I Ver Diazon
