NAGPASALAMAT ang 148 ka mga miyembro sa Kabrigadahan GenSan ng natabangan sa ilang isig ka miyembro.
Mokabat sa dul-an P500,000 ang natigom gikan sa pag-amot amot sa mga miyembro aron bahinon sa mga benepisyaryo sa hinabang alang sa ilang panginahanglanon sa tambal, pagbayad sa ospital, mortuary ug uban pa.
Ang KaBrigadahan GenSan gipangunahan ni Brigada Elmer V.Catulpos ug co-host silang Atty Kan Balleque ug Jay Omila nga hugot nagpasalamat sa mga miyembro nga matag Sabado gatunol sa ilang hinabang mao nga gitawag silang bayani sa ilang isig katawo.
Anaay tulo nga nagrepresenta sa 148 nga gitabangan ug nagpasalamat sa nahatag kanila labi na sa mga kaubang miyembro.
Si Maika Jane Rose Lenijan, 20-anyos nga ang anak nagpabiling gitambalan sa sakit nga cerebral palsy ug mild hydrocephalus, Arnel Tomas, 60-anyos nga adunay kidney problem ug nagkinahanglan og medikasyon ug si Saima Namla, 28-anyos nga ang amahan nagkinahanglan og maintenance sa sakit nga hypertension, diabetes ug UTI.
