Nakapagrehistro ang Laguna ng halos 700 aktibong kaso ng COVID-19.
Inanunsyo ito ni provincial health officer Dr. Rene Bagamasbad nitong Biyernes o sa mismong araw ng pagpapatupad ng Alert Level 3 sa probinsya.
Sinabi ni Bagamasbad, na mula sa 35 aktibong kaso noong December 31, ay umakyat ito ngayon sa 697.
Ipinunto niya na halos doble ang naitatala nilang mga bagong kaso araw-araw.
Tiniyak ni Bagamasbad na bagamat mababa pa rin ang hospital utilization rate sa probinsya, ay pinaghahandaan na nila ang pagdagsa ng mga pasyente na may COVID-19.
