Nagpositibo sa COVID-19 si Armed Forces of the Philippines Chief-of-Staff General Andres Centino.
Sinabi ng AFP sa isang pahayag na nanatili na si Centino sa isang isolation facility sa Camp Aguinaldo kung saan ay maipagpapatuloy nito ang kaniyang trabaho.
Ipinunto ng militar na nanatili ang full command ni Centino sa buong AFP.
Hindi naman ibinahagi ng militar kung meron mga sintomas na nararanasan ang AFP chief o kung saan ito nahawa.
