LEGAZPI CITY – Nagpapasalamat an Barangay Corn and Vegetables Farmers Association kan Ligao City, Albay sa Department of Agriculture Bicol nin huli sa naresibeng P10,000 kantidad nin tabang-pinansyal hale sa ahensya, kun sain nasa 52 paraomang miyembro ninda an natawanan.
Segun sa namamayo kan asosasyon na si Danilo Racines, apwera sa kwarta, nakaresibe man sinda ki mga pisog asin mga makinarya arog kan tractor asin harvester. Dugang pa niya, miyembro man sinda kan cluster na saro mang dakulaong tabang huli ta sinda an nagigin prayoridad kan mga programa, asin mas nagin madali an saindang access sa teknolohiya.
Mientrastanto, an naunambitang asosasyon, anom na taon na puon kan mabilog na may 75 ektarya ki daga nin maisan asin 25 ektarya para sa gulayan.
