BICOL – PIGKAKARKOLONG maabot sa labi 27.2 million pesos na pondo an ipigtagama kan Poverty Reduction, Livelihood and Employment Cluster (PRLEC), sa lindong kan National Task Force to End Local Communist Armed Conflict (NTF-ELCAC) para sa skills and livelihood training sa kwarenta y mga barangays sa rehiyon.
Mismong an TESDA bilang lead agency kan PRLEC an nangenot sa pagsasagibo nin training para sa mga residente sa mga “vulnerable areas” asin sa obhetong dagos nang maging insurgency-free.
Segun ki Ria Castor Gomez kan TESDA Bicol information office, obheto kan PRLEC na matabangan an mga residente na maging productive, resilient, sustainable asin self-reliant sa paagi kan pagsasairarom sa mga ini sa man iba ibang mga development programs.
Dugang pa kaini, gikan sa 4,348 beneficiaries kan TESDA scholarships, 3,242 an matrayumpong nakapagtapos asin maabot sa labi nueve sientos na certified asin nagkakaincome na sa trabaho.
Paliwanag ni Gomez, an sinambit na mga barangay enot nang nadeklarar bilang “cleared” gikan sa huma kan mga komunistang teroristang grupo.
Mantang parte kan programa an training sa pagtatanom, pag aataman nin hayop kun saen an nagkapira sa mga benepisyaryo iyo an matrayumpong nakabilog nin mga kooperatiba, training hubs asin processing centers.
Positibo man an TESDA na sa pagdakul kan mga PRLEC-identified na mga lugar sa Bicol, katuwang an mga concerned agencies na mas dakul pang mga hararayong komunidad an maaabot kan mga serbisyo asin programa kan gobyerno.
