Gin respondihan it Kalibo Municipal Police Station ru eaeaking nag eskandalo sa Calachuchi Road Brgy. Andagao, Kalibo, Aklan.
Sa report it Kalibo PNP, nakilaea ru biktima nga si Berrie Dela Cruz, 26 anyos, ag residente it nasambit nga lugar.
Sa imbistigasyon, gulping gin paeapitan it suspek nga si Marlon Quiling, Jr., sa legal nga edad ru biktima nga may nakasukbit nga kutsilyo sa hawak.
Binayo it suspek ru ueo it biktima rason nga gin respondihan it mga otoridad sa lugar.
Nakataeana nga i- settle ru biktima ag suspek sa Barangay Justice para sa dugang nga disposition.//MARIVIC Y. ILIN
