Nagpasalamat ug gidayeg ni 701st Brigade Commander Col. Oliver Maquiling sa tabang ug kooperasyon sa kanhi New People’s Army (NPA) nga misumbong sa otoridad sa pagkarekober sa mga high powered firearms sa Davao Oriental ug Agusan del Sur.
Una ng narekober sa sakop sa 701st Infantry Brigade, intelligence units sa 104MICO, 66th Infantry Battalion, 48th Infantry Battalion, RMFB 11, RPSB Cluster 8, Davao Oriental Police Provincial Office ug intel unit sa Airforce ang mga high powered firearms sama sa usa ka Cal 7.62 M14 Rifle, usa ka Cal 5.56 M16 Rifle ug usa ka Cal 5.56 Bushmaster Rifle sa Sitio Magkilo, Barangay Marayag, Lupon, Davao Oriental.
Samtang sa susamang adlaw, narekoner sab sa Agusan del Sur pinaagi sa 48th Infantry (Guardian) Battalion, 67th Infantry (Agila) Battalion ug Intelligence units ang usa ka 50 Caliber Sniper Rifle nga may 25 rounds sa ammunition, mga subersibong dokumento ug usa ka IED.
Gikalipay sa mga otoridad ang malampusong operasyon hinungdan nga padayon kining nanawagan sa mga NPA nga musurender na sa sabakan sa balaod aron makasinati og haruhay nga kinabuhi kauban ang ilang pamilya. BNFM-Davao
