Mahugot nga ginbantayan makara it Iloilo Police Provincial Office (IPPO) ro posible nga counterattack it New People’s Army (NPA) kasunod it air strike ku kan-o eamang it militar sa kampo it mga rebeldeng grupo sa Barangay Alimodias, Miag-ao nga ginkamatay it 16 ka mga rebelde.
Kaagut dikara, ginmanduhan ni IPPO director, Police Colonel Gilbert Gorero ro mga kapulisan nga mas maging alerto.
Bukod pa sa posible nga counterstrike it NPA, nagapahaom man ro mga kapulisan para sa ika-53 anibersaryo it rebeldeng grupo sa maabot nga Disyembre 26.
Sa sambilog ka intelligence report, ginaplano segun it rebelde nga grupo nga maglunsar it pag-atake sa San Joaquin police station ag San Joaquin mobile patrol sa andang anibersaryo.
Sa kumpirmasyon ni Gorero, mahugot nga nakipag-angut ro mga kapulisan sa 3rd Infantry (Spearhead) Division it Philippine Army.
Ginpaandaman man nana ro mga hepe it mga kapulisan nga magdaea it mga low-powered ag high-powered firearms.
Makipag-coordinate man sanda sa force multipliers kapareho it barangay intelligence networks (BIN) ag community-based organizations./JIL B. LACSON
