ANDAM maghulat ang labaw sa Komitiba sa Transportasyon sa gisulti sa besi mayor nga husayon si Atty. Emmanuel Fontanilla ug Konsehal Dominador Lagare Jr. may kalabotan sa petisyon.
Sa paghinabi sa Brigada New FM Gensan kay Lagare gisulti niini nga maghulat siya sa itakda nga panahon ni Vice Mayor Rosalita Nuñez aron mag estorya sila kabahin sa petisyon nga giduso ni Fontanilla batok kay Lagare aron hulipan sa Chairmanship.
Gidugangn ni Lagare nga kon gusto sa grupo ni Fontanilla nga ma isyuhan og 10 ka prangkisa ang usa lang ka tawo dili sya pabor niini,kay subay daw sa iyang pagkahibalo ang usa sa naka perma sa petisyuner gusto nga mag renew sa Franchise sa napulo niini ka tricycle.
Alang kay Lagare iyang barugan kung unsa ang tama gumikan niagi sumala pa ug dugay nga pagtuon ang mga lakang niini sa Transportasyon,apan kon may kaubanan niini nga mga konsehal nga gusto modawat sa paghupot sa komite andam daw siya nga mopahawa.
Sa bahin ni Vice Mayor Rosalita Nuñez gisulti niini nga pabor siya nga mag kooperatiba ang mga tricycle kaysa mag iyahay unya magpabilin nga dili organisado. I Ver Diazon
