SORSOGON CITY – Gagawin nang muli sa lalawigan ng Sorsogon ang umpisa ng LBC Ronda Pilipinas 2022.
Kaugnay nito, nagkaroon na ng final briefing para sa nasabing kompetisyon ang Provincial Government at koponan ng Ronda Pilipinas.
Ang aksyon ng Ronda Pilipinas 2022 ay masasaksihan mula Marso 11 hanggang 20 at pagdidikitin nito ang lungsod ng Sorsogon at Baguio City.
Lalahukan ito ng 104 na riders mula sa 13 teams.
Matatandaan na noong Pebrero 23, 2020, sa ika-10 anibersaryo ng Ronda Pilipinas ay sa lalawigan din nagsimula ang stage 1 ng karera.
