LEGAZPI CITY – Nakatalaang isagibo ngunyan na aldaw kan Bureau of Fire Protection (BFP) Tabaco City an kick-off ceremony para sa Fire Prevention Month ngunyan na Marso.
Segun kay Acting City Fire Marshall FSINSP. Edgar Tañajura, Jr. kan BFP Tabaco, magkakaigwa muna nin motorcade, pa-contest asin kadakol pang iba.
Katakod pa kani, magkakaigwa nin Community Fire of Auxiliary Group Tournament sa maabot na Marso 13 nin kun sain maralaban-laban digdi an 10 barangay sa syudad.
Ibibida man kan opisina an saindang mga ekipahe asin personahe para sa fire response and rescue.
Makikisumaro man sa aktibidad an manlain-lain na mga non-government organizations, pribadong kompanya, asin iba pang ahensya de gobyerno.
Pigsyerto kan BFP na papakusugon ninda an fire safety awareness campaign sa bilog na bulan nin Marso.
