PADAYUNG ginaawhag sa City Health Office ang mga katawhan sa GenSan nga mag-amping batok sa dengue tungod sa pagtaas sa kaso niini ning tuiga nga anaa na sa 737 ug walo ang namatay sukad Enero hangtud Hunyo 11 ning tuiga.
Segun ni Anne Aloot, health educator sa City Health Office nga dili lang ang pag-amping batok COVID-19 apan lakip na usab sa dengue nga mosangko usab sa kamatayon kung mapasagdan.
Lakip sa mga pamaagi batok dengue ang gitawag nga 4’S strategy nga mao ang search and destroy- o pagguba sa mga maitlogan sa lamok sama sa mga butang nga mapondohan sa tubig; secure self protection- mao ang paggamit og mosquito repellant, mosketero, longsleeves nga sanina ug pantaloon; seek early consultation o pagduol sa health center kung may kalintura ug say no to discriminate fogging gawas na lang kung adunay outbreak.
Dugang pahimangno ni Aloot, angayang timan-an ang mga simtomas sa dengue gawas sa hilanat, anaa ang pagpamula sa panit, pagdugo sa ilong, walay gana mukaon, pagkalipong, pagkalipong ug skin rashes.
