PORMAL nang napasaka sa kapulisan sa piskalya ang kasong pagpatay batok sa magtiayong sakop sa Philippine Coast Guard (PCG) Southern Mindanao.
Kini ang gikumpirma ni Police Col. Nicomedes Olaivar Jr., director sa GenSan City Police Office (GSCPO).
Matud ni Olaivar Jr., kasong murder ang gipasaka nila sa piskalya batok kang Mohammad Isa ug sa misis niini. Asa crime of passion ang gisundan nga motibo sa pagpatay, dungan sa impormasyon nga kanhi karelasyon sa misis niini ang gipatay nga si Patrolman Jobert Moremonte.
Dugang sa opisyal, usa sa gibasehan nila sa pagpasaka og kaso mao ang kuha sa CCTV asa nakita ang SUV nga gituohang gipanag-iyahan ni Isa. Ang SUV base sa unod sa CCTV ang gipanag-iyahan ni Isa, butyag ni Olaivar.
Apan sa pamahayag ni Isa sa pakighinabi kaniya atong Agosto 5 usa kaadlaw human ang krimen.
Hugot niining gihimakak ang kalabutan niini sa krimen ug gihingusgan nga wala siya kaila kang Moremonte. I Richel Gubalani
