Nadugangan pa ang pagtimbuok sa presyo sang karne sang baboy sa Teodoro Arcenas Trade Center (TATC) bangud sa malayo pa nga lugar nagakuha sang suplay ang mga vendors.
Ini ang ginkumpirma ni Kapitan Roberto Maaw Roldan, presidente sa meat section sang ma-interview sang Brigada News FM Roxas City.
Suno kay Roldan, nagikan pa sa Mindoro kag Sibuyan ang ila mga baboy nga ginakumpra bangud kulang na ang suplay diri sa probinsya sang Capiz.
Rason nga mas nagtaas ang presyohanay nila sa merkado bangud nagabase man ang mga ini sa capital nila sa pagpangompra.
Bangud sini, ginapakamaayo nalang sang iban nga negosyante nga magbaligya sang mga prozen products agud indi masyado mahal.
Nahibaluan nga yara sa 250 ang kada kilo sang baboy nga buhi, sadto anay yara lang ini sa 210-220 ang kada kilo. | Judy Ann Juare