Nakatakdang magsagawa ng pagpupulong ang lahat ng mga gobernador sa bansa para pag-usapan ang patas na alokasyon ng COVID-19 vaccine sa mga probinsya.
Inihayag ni Isabela Governor Rodito Albano III, na mas marami umano ang mga bakunang inilalaan sa Metro Manila habang kakaunti ang ibinababa sa mga probinsya.
Dahil dito ay nakatakdang maghaharap-harap ang mga kasapi ng League of Provinces of the Philippines (LPP) upang pag-usapan ang naturang isyu.
Ayon pa sa Gobernador, lagi umano siyang tumatawag kay vaccine czar Sec. Carlito Galvez Jr. para humiling ng karagdagang suplay ng mga dumarating na bakuna sa lalawigan.
Sa ngayon ay nasa 10% palang aniya sa target population ng Isabela ang nababakunahan ng COVID-19 vaccine.
