Aabot sa mahigit tatlong daang piso ang petisyon na omento sa sahod sa Central Luzon.
Ayon kay Department of Labor and Employment Region 3 Dir. Geraldine Panlilio, sa Central Luzon ay karagdagang 330 pesos kada araw ang inihaing petisyon ng petitioner para sa salary increase sa rehiyon.
Kung titingnan aniya ay talagang napakalaki nito lalo na ngayong hindi pa lahat ng negosyo ay nakakabangon mula sa pandemya.
Dadaan umano ito sa masusing pag-aaral ng wage board kasama ang iba pang ahensya ng gobyerno, labor group at employers group.
Sa kasalukuyan ay 420 pesos kada araw ang minimum wage ng mga manggagawa sa Region 3.//Jen Bayot-BNFM OLONGAPO
