Aabot sa 1.2 million doses ng Moderna COVID-19 vaccines ang dumating sa bansa ngayong umaga.
Lulan ang naturang mga bakuna ng China Airlines flight na lumapag sa Ninoy Aquino International Airport Terminal 1 badang 9:30 ng umaga.
Mula sa 1.2 million Moderna doses sinabi ng National Task Force against COVID-19 na 863,800 doses dito ang binili ng pamahalaan habang ang 369,600 doses ay binili ng International Container Terminal Services Inc. (ICTSI) foundation sa pamamagitan ng tripartite agreement.
Personal naman sinalubong ni COVID-19 chief implementer Sec. Carlito Galvez ang pagdating ng naturang mga bakuna.
Dahil dito pumalo na sa mahigit 71-million doses ng COVID-19 vaccines ang naideliver sa bansa.
