GENERAL SANTOS CITY- ADUNA nay person of interest ang kapulisan sa nagpusil patay sa 19-anyos nga construction worker sa Purok Maria Rosa, Poblacion, Polomolok South Cotabato.
Gibutyag sa hepe sa Polomolok municipal police station nga si PLT. Col. Peter Pinalgan Jr. giandam na nila ang pagpasang-at og kaso sa wala pa gipanganlang suspek sa krimen nga pagpatay sa biktimang si Dexter Ramos, residente sa nahisgotang lugar.
Sa ulahing impormasyon sa hepe, selos ang nag-unang motibo nga ilahang gisundan sa krimen ug sa karon padayon nilang gimonitor ang lihok sa mga suspek.
Kahinumdoman, Setyembre 16 sa hapon samtang naglingkod gawas sa iyang boarding house ang biktima kalit kining giduolan sa duha ka lalaking sakay sa motor ug gipusil igo sa ulo. END| ENAMIE MOGPON
