MIAPELA ang kapulisan sa naghupot og armas nga wala’y lisensiya ug dunay expired nga firearms licensed nga i-surender na kini. Dili na magmagahi aron dili mahimong punting sa operasyon dungan sa nagpadayon nga Comelec gun ban.
Matud ni PBGen. Alexander Tagum, director sa Police Regional Office (PRO) 12 dili mabalaka ang gun owner ugaling temporaryong isurender niini ang armas ngadto sa kapulisan. Gihimo ang lakang alang sa luwas ug patas nga taliabot nga May 09, 2022 election.
Nanawagan si Tagum sa mga residente nga isumbong sa kapulisan kung dunay masayrang tao nga naghupot og dili lisensiyadong armas. Ang gun ban ang nagsugod Enero 9 hangtud Hunyo 08, 2022 asa suspendido ang permit to carry firearms outside of residence alang sa sibilyan.
Sukad pagsugod sa gun ban, pipila na sumala pa ka indibidwal ang nadakpan ug kasamtangang nag-atubang og kaso. I Richel Gubalani
