Patay ang magtiayon nga gituohang miyembro sa NPA o New People’s Army sa engkwentro tali sa militar sa brgy Odiongan, Gingoog City, Misamis Oriental.
Atol sa pagkarekober sa patay’ng lawas sa duha ka rebelde, nadiskubre sab ang usa ka unit sa cal.45 pistol ug hand grenade.
Gi-ingong nag-atubang sa nagkadaiyang kaso ang usa sa mga rebelde nga nakabsan sa kinabuhe kalakip niini ang Attempted murder, Frustrated murder, Illegal possession of firearms, Genocide, Anti-trafficking in Person Act of 2003 ug lain pang krimen batok Humanity and International Humanitarian Law, nga gi-isyu sa RTC Butuan City.
Madumduman nga niadtong nakalabay nga adlaw, napatay sa engkwentro ang usa ka ranking lider sa rebeldeng grupo sa Minlanag, Brgy Lawaan, Gingoog City.
Samtang laing opisyal sa NPA ang nasikop sa 401st Infantry Brigade.
Sa sunod-sunod nga operasyon, subli nga gidasig ni 4th Infantry Division Phil. Army Commander Major Gen. Wilbur Mamawag ang mga nagpabilin nga NPA sa kalihukan nga mutahan nga mutahan sa sabakan sa gobyerno. -END-
