Gisaad sa kapitan sa Barangay Langa-an, Matanao, Davao del Sur nga sunod makadawat og ayuda kadtong wala nalakip sa listahan ug dili na kibhangan pa ang ilang madawat nga cash assistance.
Giangkon ni Kapitan Carlonan Villostas sa Barangay Langa-an atol sa pakighinabi sa Brigada News team nga ilang gitunga ang nadawat nga ayuda sa mga benificiaries nga mag-uuma ug mananagat nga unta P10,000 ug dili lamang kana apan kalakip ang uban pang mga ayuda ang ilang gikibhangan sama sa tupad ug uban.
Gipang bahin-bahin sumala pa nila kini sa simbahan, CVO ug duna say gigahin pang party sa Disyembre.
Dugang pa ni kapitan nga dili na niya kuhaan ang sunod nga ayuda nga ihatag, apan giklaro niini nga intensiyon lamang niya nga matabangan ang iyang mga naglsiod nga mga gingsakopan.
Dugang pa nga gi-briefing nang daan sumala pa ni Digos City Vice Mayor ang tanang kapitan maykalabotan kung si kinsa ang angayan lamang nga makadawat sa P10,000 pesos nga ayuda alang sa mga mag-uuma ug mananagat.
Apan pipila sumala pa sa mga beneficiaries unta ang nagadawatan na og ayuda gikan sa gobyerno, hinungdan nga nangita na lamang si Kap Villostas og laing benepisyaryo.
Samtang, kalakip sa maong briefing gikan sa Vice Mayor nga katunga lamang ang ihatag sa mga benepisyaryo para ihatag sumala pa ang laing tunga ngadto sa mga wala makadawat.
Kalakip sa nabahinan mao ang simbahan, tanud, BHW ug lupong tagapamayapa.