Mukabat sa kapin P70, 000 kantidad sa gituohang shabu ang nababagan sa Lasang checkpoint niadtong Sabado, Hunyo 24, tuig kasamtangan.
Kini gumikan sa mas gipakusgan pa nga AFP – PNP Border Control Point sa Brgy Lasang, Bunawan District, sunod-sunod nga nakasikop ang Task Force Davao (TFD) ug Davao City Police Office (DCPO).
Gibana-banaan nga mukabat sa 4.59 grams sa iligal nga droga ang nakumpiska nga dunay estimated street value nga PhP73,440.00.
Ang mga dinakpan nailang sila Hucard Divs Miral, 32 anyos, nga taga- Brgy Cebuano Group, Wao, Lanao Del Sur, diin nakuha kaniya ang kapin kon kulang Php 62,720.00 kantidad sa gituohang shabu, laing Armando Repamonte Clerigo, 44 anyos nga taga- Blk 8, Lot 5, Victors Homes, Communal, ning syudad ang nababagan sab diin dala niini ang mukabat sa Php 5,280.00 kantidad sa gituohang shabu ug usa ka Rail Ruppie Bermoy Te, 43 anyos nga taga- Rizal St., Purok Matinabangon, Mabini, Davao De Oro, nakuha sab sa iyang posisyon ang Php 5,440.00 kantidad sa shabu.
Ang mga nahisgutan sakay sa Public Utility Bus pasulod sa syudad sa Davao.
Kasamtangan, ang mga dinakpan ug ang mga ebidensiya ang anaa na sa kustodiya sa DCPO ug gikatakdang pasakahan og kasong kalapasan sa RA 9165.
