CEBU -Anaa sa 82,000 ka mga magtutudlo ug non-teaching personnel sa Department of Education (DepEd) sa Central Visayas ang makadawat og tag P3,000 nga insentibo isip kabahin sa kasaulogan sa ika-125 nga founding anniversary sa ahensya.
Matud ni DepEd-7 Director Salustiano Jimenez nga kini magsilbi nga milestone anniversary bonus sa mga kwalipikadong empleyado.
Sa kinatibuk-ang ihap sa mga benepisyaryo sa rehiyon-7, 85.37% o 70,000 ang mga magtutudlo, diin ang nahabilin mga non-teaching personnel.
Base sa Administrative Order 322, nga gipirmahan ni anhing presidente Fidel Ramos, ang DepEd nagbutang sa Hunyo 23, 1898, isip adlaw sa pagkatukod niini.//
