Malampuson nga nakadawat ug “first dose” sa bakuna batuk CoViD-19 ang 50 ka mga senior citizens sa lungsod sa Trento nga gipangunahan sa Rural Health Unit.
Gipadayag ni Municipal Health Officer Dr. Christine Joy Macalagay nga naa sa 150 ka mga senior citizens nga una nang gipanglista sa milabay nga semana apan ang aktuwal nga mga nagpabakuna wala sa katunga sa ilang “target” nga 150.
Samtang gipadayag usab ni Vice Mayor Felimon Marte ngadto na sa mga senior citizen nga walay angay nga ikahadlok tungod kini ang mamahimong proteksyon sa makamatyng balatian.
