Hinampas it kahoy ru sangka myembro’t Kalibo Auxiliary Police (KAP) dahilan nga naka angkon it nina sa ueo matapos mag responde sa kaguluhan sa Sampaguita Road Brgy. Andagao, Kalibo, Aklan.
Nakilaea ru biktima nga si KAP Member Lorenzo Callar, sa legal nga edad it Rizal St., Kalibo ag padayon pa sa makaron nga gina bueong sa hospital.
Temporaryo man nga naka kulong sa makaron sa Banga Municipal Police Station ru mag maeanghod nga mga suspek nga sanday Ej Mosquera, 21 anyos ag Jovan Mosquera, 23 anyos, tanan mga residenteit nasambit nga lugar.
Paga kasuhan ru mga suspek it Alarm in Scandal ag Direct Assault to Agent of Person in Authority.//MARIVIC Y. ILIN
