BANTAYAN sa City Comelec Campaign Committee (CCCC) ang kandidato o political parties sa ilang himoong election-related activities. Tumong masiguro nga masunod ang compliance sa minimum public health standards nga gitakda sa Inter-Agency Task Force for the Management of Emerging Infectious Diseases (IATF).
Matud ni Atty. Jose Villanueva, assistant regional director sa Comelec-12 gawas niini nagmugna usab og City Comelec Monitoring Action Center (CMAC) nga mobantayan sa mga kandidato ug partido. Kalabut sa pagpahigayon nila og rallies ug tapok nga dunay kalabutan sa eleksyon ug duna silay makita ikonsidera nila kining pagsupak.
Gimugna ang duha ka komitiba kauban ang kapulisan ug kasundalohan aron mopatuman sa balaud ug sa regulation sa taliabot nga eleksyon. Ang national ug local candidates ang kinahanglang mokuha og permit LGU asa himoon ang rally asa attach ang aplikasyon alang sa clearance sa city o municipal comelec dugang ni Villanueva.
Gawas sa PNP ug AFP, deputized usab sa Comelec ang national agencies sama sa DENR ug DPWH aron masiguro ang pagsunod sa patakaran election paraphernalia nga ibutang sa pampublikong lugar. I Richel Gubalani
