NAGPAHIGAYON og support staff training ang Comelec Region 12 alang sa umaabot nga May 9, 2022 election.
Sa kumpermasyon sa Comelec Region-12 Assistant Director Atty. Jose Villanueva duha ka adlaw ang pagbansay sa mga support staff, Pebrero 21 ug 22 nga gilangkuban sa duha ka batch basi sa talaan nga gi-post sa Comelec Gensan aduna silay 133 ka mga personahe nga ma-assign unya sa managlahi nga mga polling place.
Sumala kay Villanueva adunay duha ka grupo sa support staff, una ang motabang sa Electoral Board unya ang ikaduha ang technical people pag- abot sa election, sila ang mag-ayo sa Vote Counting Machine kon adunay aberya pag-abot sa Mayo 9, 2022 nga piniliay.
Usa usab sa nahimong trainor sa mga support staff mao si City Comelec Officer Atty. Sharmaine Papandayan Garangan gikan sa Gensan, gihimo ang pagbansay sa usa ka hotel sa Koronadal City. I Ver Diazon
